Orationes hebdomadæ I Adventus
Dominica I Adventus:
Da, quæsumus, omnípotens Deus, hanc tuis fidélibus
voluntátem, ut, Christo tuo veniénti justis opéribus
occurréntes, ejus déxteræ sociáti, regnum mereántur
possidére cæléste. Per Dóminum.
Feria II hebd. I Adventus:
Fac nos, quæsumus, Dómine Deus noster, adventum Christi Fílii
tui sollícitos exspectáre, ut, dum vénerit pulsans,
oratiónibus vigilántes, et in suis invéniat láudibus
exsultántes. Per Dóminum.
Feria III hebd. I Adventus:
Propitiáre, Dómine Deus, supplicatiónibus nostris,
et tribulántibus, quæsumus, tuæ concéde pietátis
auxílium, ut, de Fílii tui veniéntis præséntia
consoláti, nullis jam polluámur contágiis vetustátis.
Per
Dóminum.
Feria IV hebd. I Adventus:
Præpara, quæsumus, Dómine Deus noster, corda nostra
divína tua virtúte, ut, veniénte Christo Fílio
tuo, digni inveniámur ætérnæ vitæ convívio,
et cibum cæléstem, ipso ministránte, percípere
mereámur. Per Dóminum.
Feria V hebd. I Adventus:
Exicta, Dómine, poténtiam tuam, et magna nobis virtúte
succúrre, ut, quod nostra peccáta præpédiunt,
grátia tuæ propitiatiónis accéleret. Per
Dóminum.
Feria VI hebd. I Adventus:
Excita, quæsumus, Dómine, poténtiam tuam, et veni,
ut ab imminéntibus peccatórum nostrórum perículis
te mereámur protegénte éripi, te liberánte
salvári. Per Dóminum.
Sabbatum hebd. I Adventus:
Deus, qui, ad liberándum humánum genus a vetustátis
condicióne, Unigénitum tuum in hunc mundum misísti,
largíre devóte exspectántibus supérnæ
tuæ grátiam pietátis, ut ad veræ perveniámus
præmium libertátis. Per Dóminum.
index orationum | hebdomada
sequens
Compilavit Gregorius
Kollmorgen.